تخطّى للمحتوى
علّق آرمتك عندك صفحة؟ فوت
  • شو عندكن؟
  • بقديش؟
  • وين محلكن؟
  • فاتحين هلّق؟

انحلّت aarma.page

رابط واحد
بيجاوب عنك.

صفحة لشغلك فيها كل شي بيسألوا عنه: المنيو والأسعار، الدوام والموقع، والطلب بيوصلك عالواتساب مكتوب. بتختار شكلها، ونحنا معك خطوة بخطوة.

اعمل صفحتك مجاناً عندك سؤال قبل ما تبلّش؟ احكينا

مجانية، ورح تضل مجانية. بلا اشتراك، وبلا بطاقة دفع.

أمثلة

شو شغلتك؟

اسحب وشوف كيف بتطلع صفحة لشغلة متل شغلتك. أول تنتين لمحلات حقيقية.

الشكل

أشكال وألوان جاهزة.
إنت بتختار.

كل شكل مصمّم ومجرّب: بيطلع مرتّب بلا لوغو وبلا صور، وإلو نسخة غامقة للوضع الليلي. وكل فترة منزيد أشكال وألوان جديدة. جرّب:

سفرة ستّي، صفحة مثال، على شكل كربوني بلون ورق وقرميد سفرة ستّي، صفحة مثال، على شكل كربوني بلون صدف ومرجان سفرة ستّي، صفحة مثال، على شكل كربوني بلون حجر وكوبالت سفرة ستّي، صفحة مثال، على شكل كربوني بلون كريم وغابة سفرة ستّي، صفحة مثال، على شكل كربوني بلون رمل وليمون سفرة ستّي، صفحة مثال، على شكل كربوني بلون رماد ونبيذ سفرة ستّي، صفحة مثال، على شكل كربوني بلون زيتون وخردل سفرة ستّي، صفحة مثال، على شكل كربوني بلون عاج ومريمية سفرة ستّي، صفحة مثال، على شكل كربوني بلون صخر وبرتقال سفرة ستّي، صفحة مثال، على شكل كربوني بلون كتان وبنفسج سفرة ستّي، صفحة مثال، على شكل كربوني بلون ورد ومحيط سفرة ستّي، صفحة مثال، على شكل كربوني بلون حصى وذهب سفرة ستّي، صفحة مثال، على شكل كربوني بلون رخام وأخضر سفرة ستّي، صفحة مثال، على شكل كربوني بلون ثلج وحبر سفرة ستّي، صفحة مثال، على شكل حقل بلون نخيل سفرة ستّي، صفحة مثال، على شكل حقل بلون بحر سفرة ستّي، صفحة مثال، على شكل حقل بلون ليل سفرة ستّي، صفحة مثال، على شكل حقل بلون تين سفرة ستّي، صفحة مثال، على شكل حقل بلون طين سفرة ستّي، صفحة مثال، على شكل حقل بلون كركم سفرة ستّي، صفحة مثال، على شكل حقل بلون توت سفرة ستّي، صفحة مثال، على شكل حقل بلون نعناع سفرة ستّي، صفحة مثال، على شكل حقل بلون قهوة سفرة ستّي، صفحة مثال، على شكل حقل بلون رماد سفرة ستّي، صفحة مثال، على شكل حقل بلون سماء سفرة ستّي، صفحة مثال، على شكل حقل بلون ورد سفرة ستّي، صفحة مثال، على شكل شطّة بلون شطّة سفرة ستّي، صفحة مثال، على شكل شطّة بلون زعتر سفرة ستّي، صفحة مثال، على شكل شطّة بلون باذنجان سفرة ستّي، صفحة مثال، على شكل شطّة بلون فحم سفرة ستّي، صفحة مثال، على شكل ستيكر بلون خردل سفرة ستّي، صفحة مثال، على شكل ستيكر بلون نعناع سفرة ستّي، صفحة مثال، على شكل ستيكر بلون بطيخ سفرة ستّي، صفحة مثال، على شكل ستيكر بلون سما

سفرة ستّي · كربوني · ورق وقرميد كربوني · صدف ومرجان كربوني · حجر وكوبالت كربوني · كريم وغابة كربوني · رمل وليمون كربوني · رماد ونبيذ كربوني · زيتون وخردل كربوني · عاج ومريمية كربوني · صخر وبرتقال كربوني · كتان وبنفسج كربوني · ورد ومحيط كربوني · حصى وذهب كربوني · رخام وأخضر كربوني · ثلج وحبر حقل · نخيل حقل · بحر حقل · ليل حقل · تين حقل · طين حقل · كركم حقل · توت حقل · نعناع حقل · قهوة حقل · رماد حقل · سماء حقل · ورد شطّة · شطّة شطّة · زعتر شطّة · باذنجان شطّة · فحم ستيكر · خردل ستيكر · نعناع ستيكر · بطيخ ستيكر · سما مثال

اعمل صفحتك مجاناً

بتغيّر الشكل واللون وقت ما بدك، ونفس الرابط والكود بيضلّن شغّالين.

كيف بتبلّش

من موبايلك،
بخمس شاشات.

محل، عيادة، ورشة أو شغل من البيت. ضيف المعلومات اللي بتحتاجها، واترك الباقي.

  1. اسم شغلك ورقم الواتساب

    وبيطلعلك رابط باسم شغلك، متل aarma.page/abu-ahmad

  2. المنيو أو الأسعار، متل ما بيريحك

    وكلها بتوصل لنفس المكان: لستة بتراجعها قبل ما تطلع.

    • اكتبو بإيدكصنف وسعر، سطر سطر
    • الصقو من الواتسابإذا عندك اللستة برسالة
    • صوّر اللستةمنقراها ومنوريّاك ياها قبل ما تنحط

  3. اختار الشكل، وعلّق آرمتك

    صفحتك عالهوا. ابعتها عالواتساب، أو نزّل الكود واطبعه بمحلك.

مشغول بالمحل؟

ابعتلنا صورة المنيو، ومنساعدك تطلّعها صفحة.

عالإنستغرام أو عالتلغرام. منمشي معك خطوة خطوة لحتى تصير صفحتك عالهوا، وبتضل إلك وبإيدك.

إنستغرام تلغرام

بعد ما تعملها

صفحتك جاهزة؟
هيك بتخلّيها تشتغلّك.

خمس شغلات صغيرة بتفرق كتير.

  1. كمّل الأسعار والدوام

    لما يبيّن «مفتوح الآن» والأسعار، بيخفّ عنك نص الأسئلة.

  2. حطّ الرابط بالبايو

    بالإنستغرام والتيك توك والفيسبوك. رابط واحد بيجاوب عن كل شي.

  3. علّق الكود بمحلك

    بوستر A5 جاهز بشكل صفحتك. اطبعه وحطّه عالطاولة أو عالباب.

  4. جاوب بالرابط

    لما حدا يسألك «شو عندكن؟»، ابعتله الرابط. وحطّه بستاتوس الواتساب.

  5. تابع أرقامك كل سبت

    بتوصلك عالتلغرام أو الإيميل: كم واحد شاف صفحتك، وكم واحد كبس واتساب.

وإذا علقت بأي خطوة، احكينا.

احكينا

عندك سؤال؟
نحنا هون.

سؤال، صورة المنيو، أو بدّك حدا يمشي معك أول خطوة. ابعتلنا، ومنرد عليك بنفسنا.

راسلنا عالإنستغرام@aarma.page احكينا عالتلغرام@aarma_sy_bot

نفس البوت يلي بتفوت فيه على صفحتك. اكتبله، والرسالة بتوصلنا ومنرد عليك هونيك.

ليش مجانية؟

الويب فتحلي أبواب.
وبدي يفتح لغيري.

من وأنا صغير، بحب الويب وفكرة إنّك تقدر تبني شي وتوصّله لأي حدا برابط. هالشغف صار شغلي، وقضيت سنين عم ساهم بتطوير الويب وبناء مواقع بيستخدمها ملايين الناس.

وبعد كل هالسنين، لسه أكتر شي بحبّه بالويب إنّه في مكان للكل. لصاحب محل صغير، ولحدا عم يبلّش شغله من البيت، ولكل شخص عنده شي يقدّمه وبدّه الناس تلاقيه.

آرمة طريقتي حطّ هالخبرة بخدمة الناس بسوريا. مشروع تطوّعي عم خصّصله من وقتي ومواردي، حتى يقدر أي سوري يعمل صفحة لشغله بسهولة وببلاش.

من صاحب مشروع آرمة

حسابك مع آرمة

0 ليرة

صفحة باسم شغلك
مجاني
كل الأشكال والألوان
مجاني
الكود والبوستر
مجاني
المساعدة بالإعداد
مجاني

بلا اشتراك. بلا بطاقة دفع. ورح تضل مجانية.

قبل ما تبلّش

أسئلة بمحلّها.

علقت بخطوة، مين بيساعدني؟

احكينا عالإنستغرام أو عالتلغرام، ومنمشي معك خطوة خطوة. فيك كمان تبعتلنا صورة المنيو ومنساعدك تطلّعها صفحة.

عندي صفحة فيسبوك، ليش بحتاج آرمة؟

خلي صفحة الفيسبوك للتحديثات والتواصل. آرمة بتجمع أسعارك وأوقاتك وموقعك برابط ثابت، والزبون بيشوفها بلا ما يفتّش بين المنشورات أو يسجّل دخول.

بقدر غيّر الشكل واللون بعدين؟

أكيد، من «الشكل» بصفحتك ووقت ما بدك. ونفس الرابط والكود المطبوع بيضلّن شغّالين.

كيف بتوصلني الطلبات أو الحجوزات؟

الزبون بيختار من لستتك وبيبعتلك الطلب عالواتساب مكتوب: الأصناف والعدد والمجموع التقريبي. الدفع والتوصيل بيناتكن، وآرمة ما بتاخد شي.

لازم نزّل تطبيق أنا أو زبوني؟

لا. بتعمل صفحتك وبتعدّلها من متصفّح الموبايل. وزبونك بيفتح الرابط مباشرة، بلا تطبيق وبلا حساب.

ما عندي منيو أو محل بعنوان ثابت. بتنفعني؟

أكيد. فيك تبدأ باسم شغلك ورقم واتساب أو رابط واحد. الأسعار والصور والموقع اختياريين، وبتضيف اللي بتحتاجه بعدين.

وإنت؟
شو شغلتك؟

مجانية، ورح تضل مجانية.

اعمل صفحتك مجاناً aarma.page